SOGAMA en Facebook
SOGAMA en Instagram
SOGAMA en Twitter
SOGAMA en Vimeo
SOGAMA en Linkedin
SOGAMA

Idiomas

Recíclate con Sogama 2020-2021

Print this pagePrint this pagePrint this page

"Recíclate con Sogama" é un programa de educación ambiental canalizado a través do Plan Proxecta da Xunta de Galicia (Consellería de Cultura, Educación e Universidadel) que ten por obxecto promover a participación e implicación da comunidade educativa na xestión sostible dos residuos urbanos mediante o consumo responsable, a menor produción de refugallos e o fomento da reutilización e a reciclaxe. Para facilitar esta tarefa, os centros dispoñen dunha pequena infraestrutura aportada por Sogama denominada "Illa de Reciclaxe", conformada á súa vez por tres contedores de 120 litros de capacidade cada un (amarelo, para  latas, briks e envases de plástico; azul, para o papel/cartón; e verde, para a fracción non reciclable).

Aqueles centros que contan con servizo de comedor, subminístrasellees igualmente un composteiro para o tratamento da materia orgánica xerada, permitíndolles así obter un abono de alta calidade que poden empresgar nas súas hortas e xardíns. Con isto teñen a oportunidade de pechar o ciclo de recuperación e reciclaxe dos restos orgánicos, evitando o depósito dos mesmos nos contedores verdes convencionais.

O fin último desta iniciativa é que o alumnado, ademais de ser parte activa na mellor xestión dos refugallos producidos no ámbito escolar, actúe como axente dinamizador das boas prácticas ambientais a instaurar na súa contorna familiar e social, contribuíndo deste xeito a incrementar as taxas de reciclado  en Galicia y, polo tanto, os beneficios asociados, tanto a nivel ambiental (aforro de enerxía e materias primas) como económico (diminución dos custes para os concellos).

O programa correspondente ao curso académico 2019-2020 alcanza a súa novena edición e diríxese a centros escolares (públicos e concertados) de Educación Primaria.

 

Máis información en: https://www.edu.xunta.gal/portal/planproxecta

Ficha técnica do programa Recíclate con Sogama 2020-2021: http://www.edu.xunta.gal/portal/node/6220