SOGAMA
SOGAMA
SOGAMA
SOGAMA
SOGAMA
SOGAMA
SOGAMA en Facebook
SOGAMA en Twitter
SOGAMA en Vimeo
SOGAMA en Linkedin
SOGAMA

Idiomas

Alta valoración do programa de visitas de Sogama por parte dos usuarios

Print this pagePrint this page
  • Nun intervalo de 0 a 5, os responsables dos distintos colectivos conceden á Sociedade unha puntuación  media de 4,7.
  • Un dous aspectos que lles merece un maior recoñecemento é o labor dos educadores pola súa capacidade para explicar o cometido da Sociedade e a súa empatía cos visitantes.
  • Tralas sesións teóricas, as visitas compleméntanse cun percorrido guiado adaptado a cada franxa de idade para que os integrantes dos distintos grupos poidan ver e comprobar in situ a actividade desenvolvida en cada instalación.
  • Antes de finalizar, invítaselles a cubrir enquisas de satisfacción online, voluntarias e anónimas, nas que deixan constancia dos seus coñecementos e opinións sobre distintas variables vinculadas ao programa de visitas.

Cerceda, a 3 de agosto de 2018.- A valoración positiva do programa de visitas a Sogama por parte dos usuarios continúa en liña ascendente. Nun intervalo de 0 a 5, os responsables dos distintos colectivos conceden á Sociedade unha media dun 4,7, sendo o grao de dinamización, así como o de implicación e atencións dispensadas polos educadores, os ítems mellor valorados.

Neste marco, volve a destacarse o labor dos educadores, poñendo de relevo a súa capacidade para explicar a actividade da empresa pública, encargada de xestionar os residuos urbanos producidos polo 94% dos concellos galegos. Por unha banda, a bolsa amarela, é dicir, os envases de plástico, as latas e os briks depositados nos contedores amarelos de recollida selectiva e que son separados na súa planta de clasificación para ser remitidos posteriormente aos centros recicladores, e, por outro, a bolsa negra, isto é, o lixo convencional depositado nos contedores verdes, do que se logran extraer materiais tales como aceiro, aluminio e vidro para ser recuperados. O resto convértese nun combustible CDR que logo é valorizado enerxeticamente na súa planta termoeléctrica para producir o equivalente ao 12% da electricidade consumida polos fogares galegos.

COMBINANDO TEORÍA E PRÁCTICA

Utilizando recursos de apoio tales como presentacións, plataformas web, vídeos e infografías, os monitores conseguen amenizar as xornadas para que pequenos e maiores logren interiorizar os conceptos básicos da xestión sostible dos residuos nun marco de economía circular, poñendo de relevo o consumo responsable, a prevención, a redución, a reutilización e a reciclaxe.

Tralas sesións teóricas, as visitas compleméntanse cun percorrido guiado adaptado a cada franxa de idade para que os integrantes dos distintos grupos poidan ver e comprobar in situ a actividade desenvolvida en cada instalación, concibindo os distintos itinerarios como a mellor clase práctica recibida neste ámbito pola carga didáctica que esta reporta e a súa capacidade no ámbito da concienciación. Deste xeito, os cidadáns teñen a oportunidade de comprobar por si mesmos a inxente cantidade de lixo que cada día xeran nas súas casas e o custo económico, medioambiental e humano que ten a correcta xestión do mesmo.

Culminada a visita guiada, ábrense espazos de coloquio para que os participantes poidan expoñer as súas dúbidas e intercambiar coñecementos e experiencias de cara a mellorar a súa participación no sistema mediante a práctica diaria dos tres erres (redución, reutilización e reciclaxe).

Antes de finalizar, invítaselles a cumprimentar enquisas de satisfacción online, voluntarias e anónimas, nas que deixan constancia das súas opinións sobre distintas variables vinculadas ao programa de visitas.

Saúdos, Departamento de Comunicación

3 Ago 2018

Galería