SOGAMA
SOGAMA
SOGAMA
SOGAMA
SOGAMA
SOGAMA
SOGAMA en Facebook
SOGAMA en Twitter
SOGAMA en Vimeo
SOGAMA en Linkedin
SOGAMA

Idiomas

Expertos en economía circular daranse cita nun Innovation Camp que se celebrará en Cracovia

Print this pagePrint this page
  • Enmarcado no proxecto CIRC4Life, terá lugar do 12 ao 15 de novembro, sendo o seu obxectivo ofrecer un espazo de cocreación de novos modelos de economía circular para expertos de todo o mundo e servir tamén de foro no que compartir e debater distintos puntos de vista.
  • O fin último da cita diríxese ao desenvolvemento dun enfoque innovador de negocio baseado no consumo sostible, a reciclaxe colaborativa e a reutilización e cocreación de produtos e servizos.
  • Os sectores nos que se focaliza a atención son as industrias da iluminación LED doméstica e industrial, a reutilización e reciclaxe de tabletas usadas, os microcultivos e as industrias da cadea de subministración de produtos cárnicos.

Cerceda, a 8 de novembro de 2018.- O proxecto CIRC4Life, que arrancou o pasado mes de maio co respaldo da Comisión Europea a través do programa Horizonte 2020, promove un Innovation Camp internacional que terá como epicentro a economía circular e que se desenvolverá en Cracovia do 12 ao 15 de novembro.

O obxectivo desta cita é ofrecer un espazo de cocreación de novos modelos de economía circular para expertos de todo o mundo e servir tamén de foro no que compartir e debater distintos puntos de vista. Así, a previsión é que, en transcurso deste evento, os socios do proxecto intercambien coñecementos e experiencias con expertos de distintos países para desenvolver solucións de vangarda que permitan facer realidade os actuais desafíos da economía circular.

O prazo de inscrición para participar nesta iniciativa concluíu o pasado 30 de setembro. Durante os catro días do evento, os 70 seleccionados (cuxos gastos serán sufragados polo proxecto, incluíndo transporte, aloxamento e dietas) distribuiranse en equipos multidisciplinares para traballar en novos modelos de negocio para as industrias da iluminación LED doméstica e industrial, a reutilización e reciclaxe de tabletas usadas, os microcultivos e as industrias da cadea de subministración de produtos cárnicos.

O fin último da cita diríxese ao desenvolvemento dun enfoque innovador de negocio baseado no consumo sostible, a reciclaxe colaborativa e a reutilización e cocreación de produtos e servizos para os catro sectores referenciados.

As mellores solucións serán demostradas a gran escala polo proxecto CIRC4Life en Reino Unido e España entre os anos 2019 e 2020.

O consorcio do proxecto está conformado por 17 socios da UE, entre os que se atopa o centro español de I+D CIRCE.

Fonte e imaxe: Fundación Circe.

Saúdos, Departamento de Comunicación

9 Nov 2018

Galería