SOGAMA en Facebook
SOGAMA en Instagram
SOGAMA en Twitter
SOGAMA en Vimeo
SOGAMA en Linkedin
SOGAMA

Idiomas

O sector da recuperación de papel e cartón evidencia a súa robustez desde o inicio da Covid-19

Print this pagePrint this pagePrint this page
  • Tal e como se explica no boletín informativo “Reciclaje al día” do pasado mes de decembro, os concellos e operarios de recollida e limpeza redoblaron esforzos e mantiveron en todo momento o servizo, ao igual que os recuperadores e fábricas papeleiras.

Cerceda, a 11 de xaneiro de 2021.- Tras cinco anos de crecemento ininterrumpido, a recollida selectiva municipal de papel e cartón (a través do contedor azul, porta a porta no pequeno comercio e hostalería, así como en puntos limpos) mantivo unha tendencia positiva a principios do ano 2020 nas entidades urbanas de máis de 100.000 habitantes, aumentando, en xaneiro e febreiro, un 11 e un 12% respectivamente.

En marzo, e trala declaración do estado de alarma, o crecemento foi de tan só o 2% debido aos efectos do confinamento nos fogares e á pechadura da hostalería e pequeno comercio. En abril e maio, como era previsible, a incidencia da pandemia fíxose máis evidente no sector, cunhas caídas do 16 e o 12% respectivamente.

Unha vez iniciada a desescalada da primeira onda, en xuño detectouse unha certa recuperación, tendo crecido a recollida nun 1% respecto ao mesmo período de 2019. En xullo e agosto, coas limitacións propias do verán, rexistráronse novos descensos, pero menos virulentos (6 e 4% respectivamente) en relación ao ano anterior, volvendo case aos mesmos niveis de 2019 en setembro, cunha leve caída do 1%.

A lectura positiva é que, malia esta crise sen precedentes, a recollida selectiva municipal do papel e cartón volveu demostrar, unha vez máis, a súa fortaleza. Aínda durante o confinamento, os españois continuaron separando estes materiais para propiciar o seu reciclado mediante o depósito dos mesmos no contedor azul. Pola súa banda, os concellos e operarios de recollida e limpeza redobraron esforzos e mantiveron en todo momento o servizo, mentres que recuperadores e fábricas papeleiras, esenciais para o correcto funcionamento do sistema, continuaron coa súa actividade malia as dificultades.

Fonte: Boletín informativo da reciclaxe de papel e cartón “Reciclaje al día” Nº36 (decembro 2020).

Imaxe: Pixabay

11 Xan 2021

Galería