SOGAMA - Sociedad galega do medio ambiente
Galego | Español

#RRR

O medio ambiente necesita a túa axuda


Reducir a produción de lixo, alongar a vida útil dos produtos e separalos por tipoloxías para contribuír á súa reciclaxe constitúe unha responsabilidade compartida. O medio ambiente clama pola axuda de todos, tamén a túa. Con pequenos xestos podemos lograr unha contorna máis sostible, mellorando o noso benestar e calidade de vida, e, sobre todo, axudando a que as próximas xeracións gocen dun futuro mellor. É máis sinxelo do que cres.

Facilísimo!

Non valen excusas.


Só se trata de actuar con responsabilidade e utilizar o sentido común. Seguindo estes 10 sinxelos pasos lograrás grandes cambios. Agardamos a túa axuda.

  • COMPRA CON RACIONALIDADE

    Elabora unha lista previa e céntrate no que verdadeiramente necesites.

  • PRIORIZA OS PRODUTOS A GRANEL

    Minimiza o consumo de bandexas, envases e envoltorios superfluos.

  • A BOLSA, SEMPRE DA CASA

    Recupera o carriño da compra de toda a vida ou leva a túa propia bolsa reutilizable.

  • CADUCIDADE VS CONSUMO PREFERENTE

    Diferenza entre data de caducidade (momento a partir do cal un produto pode supoñer risco para a saúde) e data de consumo preferente (momento a partir do cal un produto pode perder cualidades –textura, sabor, olor-, pero sen representar unha ameaza para a saúde).

  • OS ALIMENTOS FEOS SON RIQUIÑOS

    Os alimentos feos teñen as mesmas propiedades nutritivas que os guapos. Failles un oco na túa cesta da compra.

  • REVISA A DESPENSA, A NEVEIRA E O CONXELADOR

    Consume antes os produtos máis antigos e aproveita as sobras para elaborar novos menús.

  • ATRÉVETE COA COMPOSTAXE DOMÉSTICA

    Se vives nunha casa unifamiliar con terreo, unha magnífica opción para aproveitar os residuos alimentarios e vexetais é a elaboración de compost. Obterás un abono natural con excelentes propiedades para o solo.

  • DESCARTA OS PLÁSTICOS DUN SÓ USO

    Esquécete de vasos, pratos e cubertos de plástico. Opta pola súa versión reutilizable (metal, vidro, louza).

  • RECORRE Á TEA DE TODA A VIDA

    Descarta os manteis, panos, rolos e servilletas de papel. Volve á tea de sempre. Lavar e utilizar de novo.

  • NON ACUMULES

    Acumular cousas que xa non che resulten de utilidade non ten sentido. Regálaas ou véndeas en mercados e aplicacións online de segunda man.

Cres no destino?

NÓS SI, E CADA PRODUTO QUE CONSUMES LÉVAO ESCRITO:

O contedor amarelo, o contedor azul, o iglú verde, o contedor xenérico.

Contedor amarelo

Envases de plástico, latas e briks

SEMPRE
  • Envases de plástico tales como botellas de auga, refrescos e leite; botellas de produtos de limpeza, xeles de baño, colonias e champú; bolsas de conxelados, terrinas de manteiga, envases de iogur, bolsas de aperitivos e lambetadas; bolsas plásticas.
  • Latas de conservas e bebidas; bandexas de aluminio, tapóns metálicos de botellas e tapas de frascos.
  • Briks de leite, viño, zume, batidos, caldos, etc.
NUNCA

NUNCA deposites no contedor amarelo roupa, vidro, cartón, restos orgánicos ou outros obxectos que non sexan envases.

Contedor azul

Papel e cartón

SEMPRE
  • Xornais, revistas, bolsas de papel, caixas de galletas, de cereais, de zapatos, de produtos conxelados, hueveras de cartón, etc.
NUNCA

NUNCA introduzas no contedor azul papel de aluminio, briks, cueiros, servilletas e panos de papel sucios, cartón e papel manchados de graxa ou aceite.

Iglú verde

Envases de vidro

SEMPRE
  • Botellas.
  • Tarros (de marmelada, de conservas).
  • Frascos (de colonia, de cosmética).
NUNCA

NUNCA arroxes ao iglú verde lámpadas, tubos fluorescentes, porcelana, cerámica, cristal de xanelas ou espellos, vasos, copas de cristal, tapóns, cortizas, tapas metálicas dos envases de vidro, etc.

Contedor xenérico

Residuos que non sexan envases e todo o demais

SEMPRE
  • Cueiros, compresas.
  • Bastoncillos de algodón.
  • Toallitas desechables.
  • Bolígrafos.
  • Papeis e cartóns manchados.
  • Servilletas e panos de papel usados.
  • Vaixelas e cubertos.
  • Xoguetes rotos de pequenas dimensións.
  • Obxectos de plástico ou metal que non sexan envases.
NUNCA

NUNCA nunca tires neste contedor o que poida ser reciclado

E ademais existen

PILAS

Recipientes para pilas, que podes atopar en concellos, centros escolares, establecementos comerciais.

COMPOSTAXE

Puntos limpos, recintos específicos cos que contan moitos concellos aos que os cidadáns deben levar aqueles refugallos especiais xerados nos fogares e que, dadas a súas características, non poden ser depositados nos contedores de recollida selectiva emprazados nas rúas.

COMPOSTAXE

Composteiros domésticos, perfectos para que os que habitan en vivendas unifamiliares con horta ou xardín. Fabricar o teu propio compost é fácil e moi útil. Máis información en www.compostaconsogama.gal.

Queres saber máis?

Entra na nosa web e descubre por que é tan importante axudar ao medio ambiente.

sogama.gal