SOGAMA en Facebook
SOGAMA en Instagram
SOGAMA en Twitter
SOGAMA en Vimeo
SOGAMA en Linkedin
SOGAMA

Idiomas

Reinventemos este Nadal

Print this pagePrint this pagePrint this page
Ano: 
2020

Aproxímase o Nadal e a incerteza non deixa de acosarnos cada día; as datas por excelencia para os reencontros, viaxes, ceas de empresa, festivais, celebracións, tempo de lecer  e reunións familiares, parecen desvanecerse antes de que cheguen estas Festas.

Culminamos un ano especialmente duro e tráxico. Son moitos os que xa non están, ou os que si están, pero rotos de dor, os que ven perigar a súa economía, os que tiveron que afastarse dos seus seres queridos, os que poñen en risco a súa vida para salvar a doutros e os que, cada día, son presa do temor e a preocupación.

Pero quizais, este Nadal tan peculiar tamén sexa un bo momento para dar carpetazo ás emocións negativas e sentar os cimentos para recuperar a ilusión por un futuro que, entre todos, debemos pintar de verde esperanza.

Por onde empezar para reinventar un Nadal atípico?

  1. Por un sorriso. Sorrir á adversidade é a mellor forma de facerlle fronte.
  2. Apostar polo pequeno comercio e priorizar os produtos locais e de tempada. Hoxe, máis que nunca, temos que involucrarnos co noso.
  3. Pensa antes de comprar. Ti, como consumidor, tes a capacidade de decidir.
  4. Regala de forma sostible e orixinal. Non fai falta gastar inxentes cantidades de diñeiro. Algo creado por ti, e ao que teñas dedicado tempo e esforzo, resulta especialmente reconfortante e atractivo para quen o recibe, ademais de inesquecible.
  5. Non regales mascotas. Non son xoguetes nin caprichos. Requiren compromiso e responsabilidade. Sé consecuente.
  6. Bota a voar a túa imaxinación. Constrúe a túa propia árbore de Nadal e decóraa con obxectos reciclados.
  7. Ollo coas luces de Nadal. Prográmaas para que luzan cando esteas na casa. Brillan máis se se usan con moderación.
  8. Non fan falta manxares excepcionais para gozar destas Festas. Receitas gastronómicas sinxelas, elaboradas con artigos de proximidade e económicos, poden resultar igualmente deliciosas. O mellor: unha boa conversación e compañía en torno a unha mesa, aderezada cun menú feito con agarimo.
  9. Axusta as racións ao número de comensais e aproveita as sobras para elaborar novos pratos. Evita o desperdicio alimentario.
  10.  Fai un uso racional da tecnoloxía e declara a guerra á obsolescencia programada. Intenta reparar os teus dispositivos eléctricos e electrónicos antes de comprar outros novos.
  11. Desprázate de forma sostible: camiña, utiliza a bicicleta e prioriza o transporte público para percorridos longos.
  12. Nestas datas increméntanse os residuos de forma exponencial. Reduce a súa xeración, alonga a vida útil dos produtos a través da súa reutilización e sepáraos por tipoloxías para depositalos nos contedores correspondentes e propiciar así o seu reciclado. Os residuos conteñen recursos de alto valor.
  13. Sé solidario, pero non só no Nadal. Necesitámosnos uns a outros os 365 días do ano.
  14. Respecta e segue fielmente as normas e recomendacións das autoridades en cada momento. Loitar contra o COVID-19 é tarefa de todos.
  15. Intenta ser feliz, goza do que tes e enfronta 2021 con esperanza e enerxías renovadas.
Excluido de listado: 

Galería