É un espazo radiofónico emitido pola cadea Radio Voz para toda Galicia a través do cal se intenta educar á poboación nos valores de respecto e compromiso coa protección do medio ambiente, mellorando o noso benestar e a nosa calidade de vida, e contribuíndo ao desenvolvemento sustentable.
Aínda que se dirixe a todo tipo de público, dende amas de casa ate empresarios, docentes, universitarios, profesionais do sector e consumidores en xeral, incide especialmente na comunidade educativa, valéndose para isto dun concurso escolar no que colexios de 6º de Primaria de distintos puntos de Galicia compiten en coñecementos sobre medio ambiente.