• Entre os fluxos de residuos que seguen gañando peso na actividade desta organización destacan os vinculados ao despregamento de tecnoloxías da transición enerxética
• A entidade supera as 4.300 empresas adheridas, un 21,4% máis que en 2024

Cerceda, 23 de xullo de 2026.-Recyclia xestionou en 2025 un total de 98.392 toneladas de residuos de aparellos eléctricos e electrónicos (RAEE), un 28% máis que o ano anterior, posibilitando a recuperación de materiais contidos nos mesmos para reincorporalos a novos procesos produtivos. Así mesmo, a través do sistema colectivo Ecopilas, xestionou 11.873 toneladas de pilas e baterías domésticas, industriais e de automoción.

Entre os fluxos de residuos que seguen gañando peso na actividade desta organización destacan os vinculados ao despregamento de tecnoloxías da transición enerxética. Así, en 2025, xestionou 6.443 toneladas de paneis fotovoltaicos, un 21,8% máis que o exercicio anterior, e recolleu 461 toneladas de baterías de vehículo eléctrico, practicamente o triplo, ademais doutras 889 toneladas procedentes de medios de transporte lixeiros, como bicicletas e patinetes eléctricos.

Para enfrontar os novos retos asociados ao crecemento das baterías de mobilidade eléctrica, os paneis fotovoltaicos e a recuperación de materias primas críticas, a unidade de innovación de Recyclia participa actualmente en sete proxectos nacionais e internacionais centrados na reciclaxe avanzada de baterías, o desenvolvemento de tecnoloxías para a desensamblaxe automatizada de aparellos electrónicos ou a reutilización de compoñentes.

Eficacia baseada na especialización

En 2025, Recyclia alcanzou as 4.347 empresas adheridas aos seus sistemas colectivos de Responsabilidade Ampliada do Produtor: Ecoasimelec e Ecofimática (para RAEE), Ecopilas (pilas e baterías) e Recyclia Envases (envases comerciais e industriais), cifra que vén a representar un 21,4% máis que o exercicio anterior.

Ecoasimelec, especializado na xestión de RAEE de uso doméstico e profesional, xestionou en 2025 un total de 92.565 toneladas de residuos electrónicos, o maior volume da súa historia e un 29% máis que o exercicio anterior.

Pola súa banda, Ecofimática, sistema enfocado na xestión de equipos de impresión, xestionou 5.827 toneladas destes residuos en 2025, das que o 82% procedeu da canle profesional.

Primeiro exercicio de Recyclia Envases coa obrigación en vigor

O ano 2025 foi o primeiro exercicio de actividade de Recyclia Envases logo da entrada en vigor, o 1 de xaneiro dese mesmo ano, das obrigacións de Responsabilidade Ampliada do Produtor para os envases comerciais e industriais. Neste período, o cuarto sistema colectivo impulsado por Recyclia agrupou a 602 empresas adheridas e xestionou o 86% dos residuos deste tipo de envases postos no