Cero escusas
Separa mellor e contribúe a coidar do teu
-
Amarelo
Envases de plástico, latas e briks.
Só envases, nada de xoguetes nin outros obxectos de plástico. Esmaga as botellas para que ocupen menos.
-
Vidro
Botellas e tarros de vidro, sen tapóns nin tapas.
O vidro recíclase unha e outra vez sen estragarse.
-
Aceite
O aceite de cociña usado non se pode tirar polo desaugadoiro.
Bótao no seu colector ou no punto limpo para convertelo en xabón ou pinturas.
-
Orgánico
Restos de comida, cascas e sobras naturais.
De aquí sae o compost, un abono natural para a terra que fai medrar as plantas fortes e sans.
-
Papel e cartón
Aquí van caixas, folios, cadernos e xornais.
Preferiblemente limpos e sen restos de comida. Reciclar papel axuda a coidar as árbores.
-
Voluminosos
Son os obxectos moi grandes que non caben nos contedores:
mobles, colchóns, sofás ou alfombras. Infórmate no teu concello sobre a súa recollida.
-
Resto
O que non se pode reciclar.
Canto menos usemos este contedor, mellor o estaremos a facer.
-
Punto Limpo
Pilas, tóners, discos, pequenos aparellos eléctricos…
Non van aos contedores normais. Son residuos especiais e por iso necesitan un lugar especial.
-
Separar ben contribúe a mellorar a nosa contorna.
-
Escusa 01
É que na miña cociña xa non cabe outro caldeiro.
Substitúe os caldeiros por bolsas, que ocupan menos espazo.
-
Escusa 02
É que despois no camión mesturan todo o lixo.
Os camións teñen compartimentos diferenciados para cada residuo.
-
Escusa 03
É que non sei onde vai cada cousa.
Consulta a nosa guía de separación ondevai.sogama.gal É máis sinxelo do que pensas.
-
Escusa 04
É que os contedores están sempre cheos.
Hai moitos contedores nos concellos. Seguramente teñas algún baleiro a poucos minutos do teu domicilio.
-
Escusa 05
É que os contedores me quedan moi lonxe.
Os contedores están máis preto do que pensamos. Moitas veces camiñamos máis para tomar un café ou ir de compras.
-
Escusa 06
É que xa teñen máquinas para separar o lixo.
Os residuos mesturados contamínanse entre si, dificultando o seu reciclado.
-
Escusa 07
É que no meu portal ninguén máis recicla.
Somos moitas máis as persoas concienciadas co medioambiente. Forma parte da maioría.
-
Escusa 08
É que eu non recibo nada a cambio.
Contribuír a ter unha contorna limpa e saudable é a mellor recompensa.
-
Escusa 09
É que vivo só e non xero tanto lixo.
Cada pequeno xesto suma. Os teus residuos, aínda que sexan poucos, tamén contan.
-
Escusa 10
É que cheira mal se o gardo.
Pecha ben as bolsas e deposita nos contedores correspondentes os residuos orgánicos e resto con máis frecuencia. O papel/cartón, vidro e envases lixeiros pódense gardar varios días sen risco de cheiros.
-
Escusa 11
É que algúns envases son moi pequenos e non compensa.
Cada envase reciclado aforra enerxía e recursos naturais. Todo suma.
-
Escusa 12
É que escoitei moitas veces que é todo mentira.
A reciclaxe é real e verificable. Infórmate de fontes fiables.
-
Escusa 13
É que non teño tempo.
Separar leva menos dun minuto. Perdes máis tempo poñendo escusas.
-
Escusa 14
É que seguro que hai alguén que os pode aproveitar.
Non deixes mobles na rúa. Infórmate no teu concello sobre a recollida de voluminosos.
-
Escusa 15
É que seguro que hai alguén que os pode arranxar.
Non deixes electrodomésticos na rúa. Cando mercas un novo, mesmo online, a tenda ten a obriga de recollerche o vello.
-
Escusa 16
É que as pilas son tan pequenas que non pasa nada.
As pilas conteñen metais tóxicos que contaminan o solo e a auga que bebes.
-
Escusa 17
É que como cociño pouco, o aceite pode ir polo vertedoiro.
Un só litro de aceite pode contaminar mil de litros de auga. Mellor lévao ao colector de aceite usado.
-
Escusa 18
É que pode servirme de reposto, é mellor gardalo.
Nunca vas volver usar o teu móbil vello. Lévao ao punto limpo.
-
Escusa 19
É que non vou reciclar para que outros gañen cartos.
Xestionar os residuos separados en orixe dun xeito correcto aforra custos.