• As candidaturas deben estar deseñadas, desenvolvidas ou fabricadas en Europa, e contribuír á sostibilidade e a economía circular
• Así mesmo, os produtos deben incluir, alomenos, un 50 % de contido reciclado
• O 5 de decembro de 2025 é a data límite para a presentación de propostas

Cerceda, 22 de setembro de 2025.- Xa está aberta a convocatoria para os Premios Europeos de Reciclaxe de Plásticos 2026, aos que poderán presentar a súa candidatura axentes de toda a cadea de valor da reciclaxe deste material en Europa e mostrar os seus logros na promoción do uso circular dos plásticos.

Convídase a participar a marcas, minoristas, deseñadores, fabricantes, produtores de maquinaria de envasado e reciclaxe, así como de materias primas e de produtos de plástico reciclado, sendo a data límite para a presentación de propostas o 5 de decembro de 2025.

Os gañadores daranse a coñecer no marco da Plastics Recycling Show Europe 2026, que terá lugar no RAI de Ámsterdam os días 5 e 6 de maio de 2026.

As sete categorías de premios son as seguintes:

•         Embaixador da reciclaxe de plásticos

•          Produtos automobilísticos, eléctricos ou electrónicos

•          Produtos para a construción

•          Produtos para o fogar e o lecer

•          Produtos de embalaxe de plástico

•          Innovación tecnolóxica en produtos

•          Innovación en maquinaria de reciclaxe

Os Plastics Recycling Awards Europe están promovidos conxuntamente por Plastics Recyclers Europe e Crain Communications, organizadores á súa vez de PRS Europe. As candidaturas elixibles deben estar deseñadas, desenvolvidas ou fabricadas en Europa, e os produtos deben incluir,  alomenos, un 50 % de contido reciclado, coa particularidade de que  todas as candidaturas deben contribuír á sostbilidade e á economía circular.

Fonte e imaxe: Residuos Profesional