• Só tres países europeos se sitúan por detrás de España: Grecia (25 de maio), Rumanía (31 de maio) e Hungría (2 de xuño)

• Conforme ás estimacións actuais, se todos os países do mundo consumisen como España, sería necesario o equivalente a 2,6 planetas para manter o ritmo

Cerceda, a 20 de maio de 2025.- Segundo o cálculo da rede internacional Global Footprint Network, España entrará en déficit ecolóxico o próximo 23 de maio, data na que consumiría todos os recursos naturais que pode rexenerar nun ano.

A sobrecapacidade é, basicamente, o desequilibrio anual entre a demanda humana de recursos e servizos ecolóxicos -dende a auga ata a madeira, pasando pola xestión natural dos residuos ou o CO2- e a capacidade do planeta para satisfacela e rexenerarse de acordo cos seus ecosistemas naturais. Esta sobreexplotación afecta á sostibilidade da Terra, xa que ademais de esgotar os recursos naturais, degrada os hábitats coa consecuente redución da biodiversidade e, a longo prazo, tamén acaba afectando á propia poboación humana.

Na UE, o país que antes esgota o seu "saldo natural" é Luxemburgo -o segundo máis despilfarrador a nivel mundial, só por detrás de Catar-, que o acada o 17 de febreiro. En Europa, só tres países acada  esta data de déficit ecolóxico por detrás de España: Grecia -que o fai o 25 de maio-, Rumanía -o 31 do mesmo mes-, e Hungría -o 2 de xuño-.

O coordinador de programas de xestión de riscos e sostibilidade de EALDE Business School, Sergi Simón, advirte que a pegada ecolóxica de España foi en aumento nos últimos anos e na actualidade é "considerablemente alta" polo que resulta "alarmante que este día chegue cada vez máis pronto".

Segundo as estimacións actuais, se todos os países do mundo consumisen como España, sería necesario o equivalente a 2,6 planetas para manter o ritmo.

Por iso, Simón reclama "urxentemente" unha transición cara a modelos de economía circular, de enerxías renovables e de consumo responsable, xa que un aumento do déficit ecolóxico "aumentará os riscos, tanto para o medio ambiente como para nosa economía", ao que engade que "Todos podemos facer nosa parte reducindo o consumo innecesario, utilizando produtos máis sostibles e apostando pola enerxía renovable".

Fonte: Gestores de Residuos

Imaxe: Freepik