• O acordo recolle a celebración dunha xornada participativa para a mellora da xestión de residuos e un ciclo de seminarios web sobre experiencias prácticas

Cerceda, 25 de xuño de 2026.- A Federación Española de Municipios e Provincias (FEMP) e Ecovidrio renovaron o seu acordo marco de colaboración co obxectivo de reforzar a súa alianza e impulsar a transformación da xestión municipal dos residuos de envases de vidro en España. A pretensión é superar os obxectivos europeos de reciclaxe de envases de vidro para 2030, que establecen unha taxa do 75% e esixen que a reciclaxe de residuos municipais alcance o 60%.

Esta alianza estratéxica representa un paso adiante na construción dun modelo máis eficiente, transparente e orientado a resultados, no que a colaboración institucional e o coñecemento técnico consolídanse como elementos clave para avanzar cara a unha economía circular real.

O acordo foi rubricado na sede da federación polo secretario xeral da FEMP, Luis Martínez-Sicluna, e o director xeneral de Ecovidrio, José Manuel Núñez-Lagos Bau.

O texto contempla a celebración dunha xornada participativa sobre a mellora da xestión de residuos, co obxectivo de xerar unha listaxe de solucións útiles para todos os actores involucrados na recollida e xestión dos residuos que teñan en conta a experiencia práctica das administracións locais. Nela poderanse abordar, entre outros, as ordenanzas de separación en orixe, a corresponsabilidade na xestión, o uso de recursos que as entidades locais teñen dispoñibles e a mellora da comunicación para trasladar os beneficios da reciclaxe á cidadanía. Tamén está prevista a celebración dun ciclo de seminarios e formacións en liña con contidos técnicos achegados por Ecovidrio, xunto coa difusión de casos de éxito desenvolvidos por municipios.

Este programa formativo técnico prevé consolidar unha biblioteca de recursos pedagóxicos audiovisuais permanente ao dispor de todos os entes locais asociados á FEMP.

Fuente e imaxe: FEMP