Bolsa marrón

A normativa europea establece o 31 de decembro de 2023 como prazo límite para que os concellos instauren a recollida selectiva da materia orgánica a través do contedor marrón.

Aproximadamente, o 40% da composición media dunha bolsa de lixo tipo corresponde a materia orgánica. A incorporación ás rúas dun quinto contedor para a recollida específica desta fracción, posibilitará a súa recuperación en forma de abono na correspondente planta de compostaxe).
 

Que se pode e que non se pode depositar neste contedor.

Débese depositar:

Restos de alimentos: 

• Crus ou cociñados de froitas, verduras, legumes e hortalizas.
• Restos de orixe animal: carne ou peixe (ósos, carne cocida, restos de peixe e marisco, espiñas, cunchas de mexillón, ameixas, …).
• Peladuras de patacas.
• Restos de pasta e arroces.
• Restos de froitos secos.
• Sementes e cereais.
• Ósos de froita.
• Restos de pan, bolería e galletas.
• Cortizas de queixo.
• Papel de cociña usado e panos de mesa de papel (sen restos de aceite).
• Pousos de café e bolsiñas de infusións.
• Restos de plantas, flores, follas secas, herba e pequenos restos de poda e hortas.
• Alpiste.
• Cascas de ovo.
• Tapóns de cortiza natural.
• Bolsas compostables.

Non se debe depositar:

• Aceite de cociña ou calquera outro líquido.
• Cueiros, compresas e tampóns.
• Papel hixiénico.
• Ramas de podas.
• Restos aspirados ou varridos.
• Cabichas de tabaco.
• Cinzas.
• Calquera outro material de plástico, vidro, pilas, etc.
   

Beneficios da Compostaxe

• Péchase o ciclo de recuperación da materia orgánica e obtense un produto final, compost, que achega nutrientes ao solo e mellora a súa estrutura, substituíndo aos fertilizantes artificiais.
• Redúcese a presenza de materia orgánica no contedor convencional, priorizando a súa reciclaxe e diminuíndo a valorización enerxética da mesma.
• Increméntase a cantidade e calidade do resto das fraccións recollidas selectivamente, garantindo un maior reciclado.
   

Xestión

A parte orgánica dos residuos depositada no contedor marrón é recollida de forma independente polos servizos municipais, sendo transportada á planta de compostaxe industrial máis próxima, onde se transforma en compost apto para ser aplicado na agricultura e xardinería.

Para que o proceso sexa exitoso, faise imprescindible unha correcta recollida selectiva en orixe e que o 95% dos materiais que conforman a fracción orgánica sexan compostables.