Idiomas

EIT convoca un premio europeo como recoñecemento a novas ideas para a economía circular

Print this pagePrint this pagePrint this page
  • O obxectivo desta convocatoria é recoñecer e apoiar a implementación de novos modelos de negocio de startups e pemes enfocados en estratexias de reparación, reutilización e uso compartido dos recursos
  • O galardón está dotado con 15.000 euros para o proxecto gañador de cada unha das catro categorías establecidas
  • O prazo de presentación conclúe o próximo 31 de agosto

Cerceda, a 9 de agosto de 2022.- A Comunidade de Economía Circular do Instituto Europeo de innovación Tecnolóxica (EIT) convocou un premio para identificar e galardoar a empresas emerxentes e pemes relevantes que tiveran desenvolvido novas solucións significativas ao redor da economía circular. O obxectivo desta convocatoria é recoñecer e apoiar a implementación de novos modelos de negocio de startups e pemes enfocados en estratexias de reparación, reutilización e uso compartido dos recursos.

En concreto, o premio busca solucións innovadoras en catro categorías:

  • Novos modelos de negocio circulares en dúas áreas específicas: de produtos a servizos e economía colaborativa.
  • Novos enfoques metodolóxicos para fomentar o deseño circular en produtos e servizos.
  • Novas ideas e enfoques na valorización de residuos en sectores específicos, como materias primas críticas, construción e alimentos, incluídas solucións dixitais para mellorar a loxística.
  • Novas ideas e desenvolvementos no campo dos Pasaportes Dixitais de Produtos para mellorar a rastrexabilidade dos materiais e a implementación de produtos sostibles.

Dotado cun premio de 15.000 euros e un programa de aceleración e acompañamento no desenvolvemento de negocio para os gañadores de cada unha das catro categorías, o concurso está aberto a calquera persoa xurídica ou grupo de persoas xurídicas establecidas nun Estado membro da UE ou un país asociado a Horizon Europe.

O prazo de presentación conclúe o próximo 31 de agosto.  Os candidatos deben aportar unha descrición da súa proposta onde se especifique, entre outros puntos, os problemas identificados e as solucións propostas. 

A segunda fase da convocatoria inclúe unha presentación da idea ante un panel de expertos integrado por representantes das diferentes comunidades de innovación de EIT que integran a iniciativa. 

Fonte: Emprendedores

Imaxe: Pexels

9 Ago 2022

Galería