• Concorreron aos WorldStar Student Awards co seu revolucionario deseño de envase de dosificación de mel para a empresa Apisol.
• Trátase dun packaging totalmente innovador, funcional, versátil e 100% sostible, coa particularidade de que conta cun sistema interno antigoteo que se activa en cada ciclo de dosificación, permitindo calcular con exactitude aa cantidade de mel extraído.
• O primeiro e terceiro posto foron para dous estudantes turcos polo seu frasco de esmalte de unllas e un novidoso estuche para os lápis de cores, respectivamente.

Cerceda, a 3 de febreiro de 2021.-Por segundo ano consecutivo, un proxecto español fíxose coa segunda posición nos WorldStar Student Awards, os prestixiosos premios mundiais de deseño de envase para estudantes que convoca anualmente a World Packaging Organization (WPO).

En concreto, dous alumnos de Mondragon Unibertsitatea, foron galardonados polo seu proxecto “Honey Extruder”, un envase de dosificación de mel totalmente innovador, funcional e 100% sostible, con deseño inspirado nas colmeas. Trátase dun packaging que conta cunha gran versatilidade, xa que é apilable,e  permite desmontar o envase para facilitar a súa limpeza e mantemento.

Ademais, conta cun sistema interno antigoteo que se activa en cada ciclo de dosificación, coa particularidade de que permite calcular con exactittude a cantidade de mel extraído ao incorporar unha ruleta que emite un son que se cando se completa unha volta enteira, equivalente a unha cucharada de mel.

O primeiro posto dos WorldStar Student Awards foi para un estudante turco, polo seu frasco de esmalte de uñas “Ollo”, e, o terceiro, tamén para outro  de Turquía polo seu novidoso estuche para os lápis de cores.

Ademais, cinco proxectos españois recibiron o premio “Certificado de Recoñecemento de Estudantes de WorldStar”, concedido pola boa puntuación dos proxectos presentados.

O Xurado tamén concedeu unha “Certificado de mérito” a outros 10 envases deseñados por estudantes de Turquía, Alemaña, China, Reino Unido e Estados Unidos.

SOBRE Os WORLDSTAR STUDENT AWARDS

Nos WorldStar Student Awards só participan proxectos de estudantes galardonados previamente en certames nacionais recoñecidos pola World Packaging Organisation (WPO), que, no caso de España, son os Premios Liderpack (categoría “Deseño Mozo”) que convocan Graphispack Asociación e o salón Hispack de Fira de Barcelona.

Desde 2019, o único xeito de acceder a este apartado dos Liderpack dedicado a estudantes é a través dos Premios Nacionais de Deseño e Sostibilidade de Envase e Embalaxe que organiza o Clúster de Innovación en Envase e Embalaxe.

Para o director deste Clúster, Jesús Pérez, este novo recoñecemento mundial supón “revalidar o éxito obtido na pasada edición polo deseño mozo español, reafirmando a posición importante do deseño de packaging do país e do sector como un dos máis importantes do mundo”, engadindo neste punto que “é froito do alto nivel que as universidades e centros españois están aportando aos Premios que organizamos cada ano desde España, e os mozos teñen ese espírito de superación tan necesario, sobre todo nestes tempos marcados pola pandemia do Coronavirus”.

Fonte e imaxe: Clúster Innovación Envase e Embalaxe