- Considera que, se ben a reciclaxe cobrou relevancia na actualidade, o certo é que, con frecuencia, non se valora a súa capacidade para axudar a preservar os ecosistemas e o medio ambiente en xeral.
- O presidente da organización, Ranjit Baxi, subliña que “A reciclaxe é a única iniciativa global que se pode implementar instantaneamente en todo o mundo para axudar a combater o cambio climático”.
- A Conferencia da ONU sobre o Cambio Climático celebrarase en Glasgow (Reino Unido), do 1 ao 12 de novembro
Cerceda, a 16 de marzo de 2021.-A Global Recycling Foundation pide que a reciclaxe estea no centro das discusións dos líderes mundiais na reunión da COP26 (Conferencia da ONU sobre o Cambio Climático) que se celebrará en Glasgow (Reino Unido) o próximo mes de novembro (do 1 ao 12).
Baixo o lema “Unindo ao mundo para facer fronte ao cambio climático”, na mesma daranse cita representantes de ao redor de 200 gobernos co obxectivo de acelerar a acción climática para o cumprimento do Acordo de París.
Neste sentido, cabe lembrar que, en decembro de 2015, e no marco da COP 21, aprobouse en París un acordo histórico para frear o cambio climático, comprometéndose os países a manter o incremento da temperatura media do planeta moi por baixo dos 2ºC —respecto dos niveis preindustriais— e a traballar para limitar ese aumento aos 1,5ºC. Acordaron tamén intensificar os esforzos para adaptarse aos impactos do cambio climático e lograr que os fluxos de financiamento fosen consistentes para acelerar a transición cara a unha economía baixa en carbono.
Cinco anos despois, a acción climática converteuse en parte fundamental dos plans de recuperación tras a pandemia da COVID-19, apostando por unha recuperación verde que aborda os desafíos vinculados á saúde pública, o cambio climático e a perda de biodiversidade, creando ao mesmo tempo empregos sostibles.
A Global Recycling Foundation considera que, se ben a reciclaxe cobrou relevancia na actualidade, o certo é que, con frecuencia, non se valora a súa capacidade para axudar a preservar os ecosistemas e o medio ambiente en xeral.
O presidente fundador desta organización, Ranjit Baxi, subliñou que “A reciclaxe é a única iniciativa global que se pode implementar instantaneamente en todo o mundo para axudar a combater o cambio climático. Cada goberno e cada individuo pode desempeñar o seu papel sen demora e, ao facelo, terá un impacto inmediato na maior ameaza que enfronta o noso planeta”, ao que engadiu “Ao crear conciencia sobre os beneficios da reciclaxe nunha reunión tan importante como a COP26, podemos cambiar o rumbo do malgasto”.
SOBRE A GLOBAL RECYCLING FOUNDATION
A Global Recycling Foundation ten por obxecto promover a reciclaxe e a súa industria en todo o mundo para evidenciar o seu papel vital na protección do planeta. Con tal fin, financia programas educativos e de concienciación orientados cara ao desenvolvemento sostible a través da reciclaxe.
A Fundación conta co apoio da Oficina de Reciclaxe Internacional (BIR), que foi a primeira entidade en apoiar os intereses da industria da reciclaxe a escala internacional. Actualmente, BIR representa a máis de 760 empresas do sector privado e 36 asociacións nacionais en máis de 70 países, sendo o seu cometido promover a reciclaxe e facilitar o comercio libre e xusto de materiais reciclables nunha economía mundial sostible e competitiva.
Fontes: Global Recycling Foundation, BIR e Retema
Imaxe: Pixabay
