• O 64% dos españois formúlase deixar de adquirir certos produtos se non ten garantías da súa reciclabilidade.
• Así se deduce dunha enquisa promovida por Dríade Servicios Medioambientales e realizada polo Instituto IO Sonda de Investigación de Mercados entre máis de 1.300 persoas de todo o país.
• Nove de cada dez enquisados aseguran que a sostibilidade dos envases é un dos factores que teñen en conta cando van adquirir un artigo.
• A principal fonte de información son as etiquetas dos propios envases, pero hoxe en día non hai unha regulación sobre este tipo de mensaxes en España.

Cerceda, a 2 de febreiro de 2021.- Segundo unha enquisa promovida por Dríade Servicios Medioambientales e realizada polo Instituto IO Sonda de Investigación de Mercados entre máis de 1.300 persoas de todo o país, o 64% dos españois formúlase deixar de comprar certos produtos se non ten garantías da súa reciclabilidade.

Nove de cada dez enquisados aseguran que a sostibilidade dos envases é un dos factores que teñen en conta cando van adquirir un artigo, pero non sempre lles resulta fácil identificar cales son os envases máis respectuosos co medio ambiente e, polo tanto, realizar unha compra responsable.

A principal fonte de información figura no propio envase e o 71% confía nos datos que ofrecen as etiquetas. Non obstante, e segundo o estudo, isto pode confundir ao consumidor debido a que, a día de hoxe, non existe unha regulación sobre este tipo de mensaxes en España e hai compañías que autodeclaran uns índices de reciclabilidade que non se corresponden coa realidade.

É por iso que se considera de vital importancia que a mensaxe indicada teña o respaldo dunha etiqueta certificada externamente que avalíe de forma rigorosa a porcentaxe de material que queda dispoñible para un reciclado de calidade, é dicir, a reciclabilidad real.

CERTIFICADO E SELO DE RECICLABILIDADE

Neste sentido, a empresa Dríade Soluciones Medioambientales desenvolveu a metodoloxía do seu Certificado e Selo de Reciclabilidade para axudar aos consumidores a descubrir a realidade que hai detrás das etiquetas e axudarlles a identificar as opcións máis responsables co medio ambiente.

Para isto conta co apoio científico da Cátedra UNESCO de Ciclo de Vida e Cambio Climático ESCI-UPF e coa experiencia do Gremi da Recuperació de Catalunya, entidade que aglutina a máis de 300 recicladores e é membro das organizacións internacionais de reciclaxe Euric e BIR.

Esta nova metodoloxía estuda e cuantifica con precisión todas as características do deseño do envase que poden conlevar unha diminución da cantidade ou calidade de material reciclado, tendo en conta as fases reais do proceso: consumo, recollida, clasificación, reciclado e aplicación final.

O 87% dos enquisados afirma ser conscientes de que non todos os envases son igual de reciclables. Á hora de determinar se un envase é sostible ou non, aseguran ter en conta tres factores principais: que o material co que estea fabricado sexa 100% reciclable (66%), que sexa biodegradable (56%) e que se recicle infinitas veces (46%).

Distinguir estes tres factores a primeira ollada non é tarefa fácil. Segundo Raquel Iglesias, directora xeral de Dríade Soluciones Medioambientales, a metodoloxía do Certificado de Reciclabilidade “permite saber en que grado un envase é susceptible de reciclarse con maior facilidade, porque aínda que algúns envases poidan parecer iguais a primeira ollada, desde o punto de vista da reciclabilidade non o son. Por exemplo, mentres que a cor negra ou a opacidade poden impedir o reciclado de calidade dun envase plástico, nun envase metálico estas cores non xeran ningunha interferencia. A reciclabilidade de dúas botellas idénticas pode ser totalmente distinta dependendo do adhesivo que se utilizou na etiqueta”.

Fonte: Residuos Profesional

Imaxe: Pexels