• En termos de participación cidadá, a media nacional situouse en 109,92 gramos por habitante e ano, e en 20,19 quilos por farmacia ao mes

Cerceda, 8 de outubro de 2026.-Durante 2025 recolléronse 5.397.903 quilos de envases baleiros ou con restos de medicamentos a través dos Puntos SIGRE das farmacias, o que supón un incremento do 5,16% respecto do ano anterior.

Este avance confirma a consolidación dun hábito ambiental e sanitario cada vez máis estendido entre a poboación: revisar periodicamente o botiquín doméstico e depositar no Punto SIGRE os medicamentos caducados, os restos de tratamentos finalizados e os seus envases, aínda que estean baleiros.

En termos de participación cidadá, a media nacional situouse en 109,92 gramos por habitante e ano, e en 20,19 quilos por farmacia ao mes.

Estes resultados apóianse na capilaridade dun sistema implantado en toda España, con 22.280 farmacias colaboradoras que facilitan aos cidadáns un punto próximo, accesible e de confianza para desprenderse correctamente destes residuos.

Operativa

A distribución farmacéutica  recolle os residuos depositados polos cidadáns nos Puntos SIGRE mediante loxística inversa, aproveitando os desprazamentos que xa realiza ás farmacias, o que permite reducir o impacto ambiental do transporte e manter a rastrexabilidade do residuo.

Posteriormente, os residuos trasládanse á Planta de Clasificación de Envases e Residuos de Medicamentos, situada en Tudela de Duero, en Valladolid, onde sistemas avanzados de clasificación, así como a aplicación de intelixencia artificial e robótica, permite reciclar unha parte moi significativa dos materiais dos envases recollidos, ata un 74,93% no ano 2025.

A parte non reciclable valorízase enerxeticamente, evitando a súa eliminación inadecuada e contribuíndo a reducir o uso de combustibles fósis.

25 anos de servizo

Este modelo cumpre en 2026 o seu 25º aniversario; un cuarto de século no que SIGRE consolidouse como un exemplo internacional de colaboración sectorial para pechar correctamente o ciclo de vida do medicamento, baixo un enfoque One Health, que vincula a saúde das persoas coa saúde do planeta.

Así mesmo, SIGRE traballa coa industria farmacéutica para reducir o impacto ambiental dos envases desde o seu deseño. De feito, un de cada tres medicamentos comercializados en España incorpora algunha mellora ambiental no seu envase, e o peso medio dos envases farmacéuticos reduciuse en máis dun 25% nas dúas últimas décadas.

Fonte e imaxe: SIGRE