#CeroEscusas é a nova campaña de comunicación e sensibilización impulsada por SOGAMA para promover unha correcta separación dos residuos domésticos e favorecer a adopción de hábitos máis sostibles entre a cidadanía galega.
A campaña #CeroEscusas baséase nunha idea sinxela, pero moi presente no día a día: as desculpas e as xustificacións que habitualmente utilizamos para non separar correctamente os nosos residuos. A través de mensaxes próximas e situacións recoñecibles, a campaña desmonta falsas crenzas, á vez que achega información clara, práctica e vinculada á realidade de Galicia, axudando a resolver dúbidas sobre o destino dos residuos, o uso dos distintos contedores ou a xestión de residuos especiais.
Baixo o lema «A Galicia que queres comeza en ti», #CeroEscusas pon en valor a responsabilidade individual como motor do cambio colectivo, lembrando que cada pequeno xesto conta para avanzar cara a un modelo máis sostible.
A campaña desenvólvese a través de distintas canles de comunicación e compleméntase con recursos dixitais coma o ChatBot de Sogama e o buscador Onde Vai?, ferramentas deseñadas para resolver as dúbidas da cidadanía para unha correcta xestión dos seus residuos.
- Tes toda a información en: www.sogama.gal/cero-escusas