Con esta campaña preténdese transmitir, dunha forma sinxela, resumida e áxil, os residuos que deben, e non deben, depositarse en cada un dos contedores habituais nas rúas dos 295 concellos que están adscritos ao sistema de xestión promovido por Sogama.

Da man de Sogama e a Consellería de Medio Ambiente, Territorio e Vivenda, o quinto contedor, de cor marrón e concibido para recoller de forma diferenciada a materia orgánica contida nos residuos municipais, será o protagonista indiscutible da Semana Europea da Prevención de Residuos 2022 na nosa comunidade.