• A diferenza doutras plataformas, non só ofrece dispositivos de alta demanda como smartphones, senón que tamén reacondiciona produtos de maior tamaño e peso como lavadoras, frigoríficos, secadoras e ordenadores para que teñan unha nova vida
• En 2023, o mercado de segunda man acadou en España un valor de 5.500 millóns de euros, cun crecemento do 5,7% respecto do ano anterior

Cerceda, a 23 de maio de 2025.- A empresa de inserción social The Good Plug, especializada na reutilización e a reciclaxe de RAEE (Residuos de Aparellos Eléctricos e Electrónicos), lanzou un marketplace de produtos reacondicionados, ofrecendo desta forma unha alternativa sostible e accesible para o consumo electrónico, á vez que crea emprego para persoas en situación ou risco de exclusión social.

A diferenza doutras plataformas,non só ofrece dispositivos de alta demanda como smartphones, senón que tamén reacondiciona produtos de maior tamaño e peso como lavadoras, frigoríficos, secadoras e ordenadores para que teñan unha nova vida, reducindo a cantidade de residuos xerados e fomentando un consumo responsable.

Este enfoque,  non só beneficia ao medio ambiente, senón tamén á economía e a inclusión social:

• Aforro económico: os produtos reacondicionados poden custar entre un 40% e un 70 % menos que os novos, facilitando o acceso a tecnoloxía e electrodomésticos de calidade a un menor prezo.
• Menos residuos e emisións: estímase que entre o 85% e o 95% das emisións dun smartphone xéranse durante a súa fabricación, o que fai que prolongar a súa vida útil sexa unha estratexia crave para reducir o impacto ambiental.
• Emprego verde e social: a xestión de RAEE a través de modelos de economía circular xera ata cinco veces máis empregos que a súa simple reciclaxe.

Mercado en auxe

En 2023, o mercado de segunda man alcanzou en España un valor de 5.500 millóns de euros, cun crecemento do 5,7% respecto ao ano anterior.

O 85% dos españois xa compra en plataformas de segunda man, impulsados pola sostibilidade e o aforro económico. De feito, durante a pandemia, o interese polos produtos usados creceu un 50%, consolidando a reutilización como unha alternativa viable ao consumo tradicional.

O informe The Global E-Waste Monitor 2024 das Nacións Unidas alerta de que a xeración de residuos electrónicos crece a un ritmo cinco veces superior á reciclaxe documentada. 

Fonte: Residuos Profesional

Imaxe: Freepik