- Esta cifra podería alcanzar os 17,9 millóns se os países non cumpren os seus compromisos para a redución das emisións de gases de efecto invernadoiro e se o financiamiento climático non prioriza os servizos sociais e de resiliencia para a nenez
Cerceda, ao 11 de setembro de 2025.- Alomenos 5,9 millóns de nenos e mozos de América Latina vivirán na pobreza para 2030 debido ao impacto do cambio climático. Así o indican a Comisión Económica para América Latina e o Caribe (CEPAL) e o Fondo das Nacións Unidas para a Infancia (UNICEF) nun novo informe no que tamén se analizan os esforzos dos países para reducir as emisións de gas de efecto invernadoiro e ás súas estratexias en adaptación e redución de perdas e danos xerados polo cambio climático.
No escenario máis optimista, no que os gobernos implementan accións rápidas para limitar as emisións, da orde de 5,9 millóns de persoas menores de 25 anos adicionais poderían estar en situación de pobreza para 2030. Pero se os gobernos implementan moi poucas ou demasiado tarde as accións acordadas nas súas “Contribucións Determinadas a Nivel Nacional”, a cifra podería triplicarse a 17,9 millóns.
Para as axencias, o financiamiento climático non prioriza os servizos de saúde, nutrición, educación, auga e saneamento que a infancia necesita para un óptimo desenvolvemento cognitivo e físico.
En América Latina e o Caribe, só 3,4% do total do financiamento está dedicado á nenez. Ademais, os recortes de fondos e redución de axuda para a cooperación coinciden cun momento de necesidade sen precedentes, no que máis que nunca millóns de nenos e mozos necesitan ese apoio para mitigar o impacto desproporcionado do cambio climático no seu desenvolvemento.
Neste contexto, CEPAL e UNICEF recomendan aos gobernos de América Latina aumentar o financiamento climático para a infancia, con accións dirixidas especificamente ás necesidades dos nenos de diferentes idades, ademais de fomentar políticas de protección social e de respostas a emerxencias que teñan en conta as súas demandas específicas.
Fonte e imaxe: ONU
