Guía de boas prácticas para protexer os nosos areais e contribuír a manter a nosa Galicia azul e verde.

A acumulación de residuos nos areais pola actividade humana xera graves problemas ambientais, xa que alteran os ecosistemas costeiros, poñen en risco a biodiversidade e ameazan a saúde de usuarios e bañistas.

O 80% do lixo mariño procede de terra firme. Materiais como plásticos, cabichas e envases ensucian a paisaxe e contamínano ao liberar substancias tóxicas ao degradarse.